Woy Magazine gen pou objektif konekte Ayisyen ki ann Ayiti ansanm ak Ayisyen ki nan dyaspora. Tout kontni nou pibliye disponib ann Anglè ak Kreyòl pou enfòmasyon yo ka aksesib bay tout Ayisyen toupatou nan lemond. Bilten nou ofri yon sous ki fyab ki analize e eksplike nouvèl ki soti ann Ayiti pou tout moun ki vle rete konekte ak Ayiti.
Woy Magazine se yon pwojè rekonsilasyon ant Ayisyen ki Ann Ayiti ak Ayisyen ki nan dyaspora. Lè nou kontinye dyaloge ansanm, epi tande istwa youn lòt, sa pèmèt nou rete an solidarite ak revandikasyon youn lòt epi òganize ansanm pou goumen pou yon demen miyò, e pou prezève kilti nou. Woy Magazine pibliye kontni ke Ayisyen toupatou nan lemond kreye pou goumen kont sistè, kolyonalis ak enperyalis ki kontinye kraze peyi nou, pou nou ka jwenn yon fason pou nou vanse ansanm.
Pandan 10 dènye lane sa yo, Woy Magazine kapte pèspektif Ayisyen sou kote nou ye jeyografikman, politikman ak spirityèlman atravè atik nou yo, bilten nou an, ak divès pwojè multimedya. Ke platfòm sa kontinye montre lemond fòs ki gennyen nan kreyativite ayisyen, rezistans ayisyen, lanmou ayisyen, inovasyon ayisyen, doulè ayisyen, anasanm ak lajwa ayisyen.
Prensip nou
- Nou kwè nan solidarite, ke liberasyon nou lye ak batay tout pèp ki kolonize sou la tè.
- Nou kwè nan vizyon zansèt yo : yon Ayiti ak yon mond kote tout moun lib e libè.
- Nou kontrekare enperyalism ak tout fòs kolonyalis ki vle anpeche Ayisyen mèt tèt nou, mèt pwòp resous nou, e mèt pwòp desten nou.
- Nou kwè nan kapsite nou pou nou bati yon sosyete ki egal ego.
- Nou kwè nan libersyon tout moun ki majinalize : fanm, granmoun, timoun, kominote LGBTQ, mon ki andikape, malere, moun ki neglije.
- Nou kontrekare patriyaka.
- Nou kwè nan 12 Prensip Bwa Kayiman yo.
- Nou kwè nan kreyativite ak tout sa li ka paran nou sou tèt nou ak youn lòt.
- Nou kwè nan lanmou ak vizyon nou pataje pou Ayiti ak kapasite nou pou fè vizyon sa tounen yon reyalite.
Yon jou la jou.
Nathalie ‘Talie’ Cerin se youn nan manm fondatè Woy Magazine e li jwe wòl Editè an chèf. Talie se chantè konpozitè ki ap viv Filadèlfya epi ki travay nan ansèyman atistik nan Nò Fili. Li gen yon metriz nan edikasyon miltikiltirèl.